Quum vero vis est vehemens exorta N

Quum vero vis est vehemens exorta Nepai,
late fusa volans...
...haec] per terras fama vagatur ;
ut quondam Orion manibus violasse Dianam
dicitur, excelsis errans in collibus amens,
quos tenens Aegeo defixa in gurgite Chius
brachia cui viridi convestit tegmine vitis.
Ille feras vecors amenti corde necabat,
Oenopionis avens epulas ornare nitentes.
At vero pedibus subito perculsa Dianae
insula discessit, disjectaque saxa revellens
perculit, et caecas lustravit luce lacunas :
e quibus ingenti exsistit cum corpore prae se
Scorpius infestus, praeportans flebile acumen.
Hic valido cupide venantem perculit ictu,
mortiferum in venas figens per vulnera virus :
ille gravi moriens constravit. corpore terram.
Quare quum magnis sese Nepa lucibus effert,
Orion fugiens commendat corpora terris.